O martes, 12 de novembro ás 11h no Salón de Actos, proxectarase o documental “Morreu o demo, acabouse a peseta”, producido por Tintiman Audiovisual e dirixido por Pedro Solla.
Trátase dun percorrido polos títeres populares de Europa, a partir dos traballos de investigación e recuperación que desenvolveu a compañía Viravolta Títeres da antiga barraca de Barriga Verde da familia Silvent. Comba Campoi, produtora do título e autora da tese de investigación sobre A resistencia simbólica na Galiza da posguerra: O Teatro de Títeres de Barriga Verde e Anxo García, titiriteiro membro da compañía Viravolta e os dous membros da Asociación cultural Morreu o Demo asistirán á proxección e contestarán ás preguntas do público.
