O mércores 15, xoves 16 e venres 17 de decembro de 2021 terán lugar as V Xornadas de Arte e Deseño organizadas pola nosa EASD. Este curso ademais, temos nome novo para as Xornadas: bisiona.
Como resultado dun exercicio da disciplina de Imaxe Global (Branding) o alumnado de 4º curso de Deseño Gráfico elaborou diversas propostas, sendo -bisiona- e a imaxe gráfica que o acompaña a seleccionada para esta quinta edición das Xornadas. A creación aúna máis dun concepto, dunha solución e dúas ideas poden mesturarse para amosar un novo significado. Esa dualidade -bi- percibida como unha nova realidade.
As charlas serán presenciais para o alumnado da Escola e, para o público externo, serán emitidas a través da nosa Canle de Youtube. Así que aconsellamos que vos subscribades á canle e activedes ás notificacións* para recibir un aviso antes do comezo de cada charla. (*en breve activaremos os vídeos)
Nesta edición, contaremos coa presenza de profesionais do ámbito da fotografía, da ilustración, da policromía, da escultura, da cerámica, do deseño gráfico e de interiores.
